Этнаграфічны зборнік «Пинчуки» быў выдадзены ў Санкт-Пецярбургу ў 1890 г. Аўтарам зборніка з’яўляецца праваслаўны свяшчэннік Дзмітрый Гаўрылавіч Булгакоўскі, які збіраў на Пінскім Палессі песні, загадкі, прыказкі, абрады, прыкметы, забабоны. У зборнік уключаны 257 песень, 210 загадак, 65 прыказак і прымавак, прыведзены шэраг абрадаў, прыкмет, павер’яў, а таксама погляды мясцовых жыхароў на замагільнае жыццё, слоўнік дыялектных слоў.